انصار (یکشنبه، د سنبلې ۲۶مه) د روسیې کورنیو چارو وزارت ویلي چې افغانستان لا هم د نشه‌يي توکو د تولید او قاچاق له اړخه د ټولیز امنیتي تړون په نامه د سیمه ییزې ټولنې غړو هېوادونو ته یو لوی امنیتي ګواښ دی.

د روسیې تاس خبري اژانس د دغه وزارت د چارواکو له خولې ویلي، چې که څه هم په افغانستان کې د تاریاکو تولید ۸۰ سلنه کم شوی، خو د مصنوعي نشه‌يي توکو تولید پکې پام وړ ډېر شوی دی.

د روسیې کورنیو چارو وزارت دا خبره داسې وخت کې کړې، چې وړمه ورځ د مرکزي اسیا هېوادونو په سرمشریزه کې هم له افغانستانه سیمې ته د نشه‌يي توکو او ترهګرۍ ګواښ ته اندېښنه وښودل شوه.‌

د روسیې د کورنیو چارو وزارت لخوا خپاره شوي بیان کې راغلي چې افغانستان کې تولید شوي مصنوعي نشه‌يي توکي د ټولیز امنیت تړون غړو هېوادونو ته راوړل کېږي.‌

بیان زیاتوي چې د طالبانو لخوا د کوکنارو پر کر کیله له بندیز وروسته د دا ډول نشه‌يي توکو تولید ډېر زیات شوی چې د دغه تړون غړو ته له امنیتي پلوه ګواښ دی.

دا له لسو ورځو کمه موده کې دویم ځل دی چې افغانستان کې د مصنوعي نشه‌يي توکو د تولید په اړه اندېښنه ښودل کېږي.‌

تېره اوونۍ د جرمونو او نشه‌يي توکو پر وړاندې د ملګرو ملتونو د مبارزې څانګې ویلي وو چې افغانستان کې د دغه ډول نشه‌يي توکو تولید په ډېره لویه پیمانه مخ په زیاتېدو دی.

ملګرو ملتونو ویلي وو په افغانستان کې د میتامفیتامین، کرېستال یا شیشې تولید یو پراخېدونکی ګواښ دی.

دغه راز وړمه ورځ د تاجکستان ولسمشر امام‌علي رحمان د مرکزي‌ اسیا هېوادونو سرمشریزه کې وویل افغانستان کې د نشه‌يي توکو د تولید او د ترهګرو د فعالیت د پراخېدو له اړخه ډېرې اندېښنې لري.

هغه ویلي وو چې تېر کال افغانستان سره سرحدي سیمو کې ۵ ټنه نشه‌يي توکي کشف او ‍ضبط شوي او دا شمېر د اوړم کال پرتله ۲۲ سلنه زیاتوالی ښيي.‌

هغه د مرکزي اسیا هېوادونو له نورو مشرانو وغوښتل چې له افغانستانه د ترهګرو او نشه‌يي‌ توکو د ور اوښتلو پر وړاندې مبارزې لپاره یو موټی شي.

طالبانو د روسیې د کورنیو چارو وزارت د دغو څرګندونو پر وړاندې لا څه نه دي ویلي، خو وړاندې یې ټینګار کړی چې د نشه‌يي توکو د تولید او قاچاق پر وړاندې یې بریالۍ مبارزه کړې ده.

دوی وايي هېچا ته اجازه نه ورکوي چې د افغانستان خاوره د نورو پر ضد وکاروي.

URL تعقيب: https://www.ansarpress.com/pashto/27038

*	الـاسمـ و اللقب
*	رأيك
أدخل الـأرقامـ الظاهرة في المربع أدناه.
*

	د همالیا ټرانس په غونډه کې د طالبانو حکومت استازي ته د ګډون بلنه
	په بامیانو کې د دریو بهرنيو اتباعو وژل کېدل تایید شو
	د دوحې غونډې ته د چمتوالي بحثونه
	په شپږو وزارتونو او ریاستونو کې به اداري طرزالعملونه ساده شي
	ناټو کې د اوکراین د شاملیدو لپاره د پام وړ ګامونه اخلو
	زلنسکی په ختیځ دونیتسک کې د جګړې د لومړۍ لیکې وضعیت "په ځانګړې توګه کړکېچن" وباله
	په ملګرو ملتونو کې د فلسطین د غړیتوب اخیستو په پلوۍ یو پرېکړه لیک تصویب شو
	سټولټنبرګ: ناټو اوکراين ته د پوځيانو د لېږلو پلان نه لري
	که اسراییل پر رفح ښار پراخ برید وکړي، وسلې نه ورکوم
	روسیه کې نیول شوي سرتېري مو عسکري مقررات نقض کړي
	د طالبانو حکومت او ټي ټي پي د پاکستان د پوځ وروستۍ ادعا رد کړه
	روسیې په یوه نړیواله ناسته کې مولوي عبدالکبیر ته د ګډون بلنه ورکړې
	تر څو چې ټول افغانان یوې موافقې ته ونه رسېږي د افغانستان مسئله به حل نه شي
	د اسلامي همکارۍ سازمان په روانه سرمشريزه کې د طالبانو پلاوي هم ګډون کړی
	د چمن پرلت مسوولان د پرونۍ پېښې د عاملانو د نیولو او محاکمې غوښتنه
	هندي پولیسو افغان جنرال کونسلې ذکیه وردګ سره ۲۵ کیلو ګرامه سره زر نیولي
	محمد یعقوب مجاهد د آذربایجان له سفیر سره وکتل
	واشنګټن د فلسطین پر رفح ښار د اسراییل د برید د پلان ملاتړ نه کوي
	ننګرهار کې ۳۴زره ټابلېټ‌کا ګولۍ نيول شوې
	جان بس په قطر او اسلام اباد کې "پر افغانستان" غږېدلی
	یو شمېر اروپایي هېوادونه به د فلسطین دولت په رسمیت وپېژني
	د اوکرايين پوځ مشر وايي په لومړۍ کرښه کې وضعيت خراب شوی
	د منځنۍ آسیا د هېوادونو لپاره اصلي ګواښ په افغانستان کې سختدریځې ډلې دي
	په افغانستان کې د جګړې دوران پای ته رسېدلی
	افغانستان کې د ترهګرو ډلو فعالیت اندېښمن کړي یوو